Zirkulazio-istripuak, erreklamazioak aseguru-etxeei, lan istripuak, zabarkeria medikoak, kalteak,
erreklamazioak administrazioari, etxebizitza… ERREKLAMATUn zure erreklamazio guztiez arduratzen gara.
Kontsultatu zure kasua konpromisorik gabe.
Gure abokatu adituek zure kasua aztertuko dute eta zure erreklamazioaren bideragarritasunari buruzko informazioa emango dizute. Eman zure datuak, eta zurekin harremanetan jarriko gara aholku emateko.
* Nahiago baduzu, dei dezakezu zuk telefono honetara: 944 027 596 (astelehenetik ostiralera, 9:00etatik 14:00etara eta 16:00etatik 18.00etara), edo mezu bat bidali helbide honetara: info@erreklamatu.com
Kalteengatiko erreklamazio bat egin nahi baduzu, ERREKLAMATUn lagundu ahal dizugu. Deitu eta kontsultatu zure kasua konpromisorik gabe. Lehenbiziko bileran gaiari buruzko adituek informazioa emango dizute zure eskubideez eta zer egin aholkatuko dizute.
Erabakitzen baduzu ERREKLAMATU kontratatzea erreklamazioa egiteko, hartu behar duzun erabaki bakoitzaren arriskuez eta alde onez aholku emanen dizugu. Eta ez duzu ezertaz arduratu beharko prozesuan: gure abokatuek egingo dute zure partez.
Erreklamazio motak horretarako aukera ematen badu, lehenengo saiatuko gara demandatuarekin akordio bat lortzen, auzibidetik kanpo. Eta hori posible ez bada, salaketa bat aurkeztuko dugu epaitegian eta auzitegiek hartuko dute erabakia.
ERREKLAMATUn oso prestaturik gaude zure interesak defendatzeko partikularren, erakunde publikoen eta, hala behar denean, epaitegien aurrean. Profesionaltasun frogatuarekin eta hurbileko tratuarekin.
ERREKLAMATUk laguntza juridiko integrala ematen die bere bezeroei, haien behar eta eskaeren araberakoa. Gure jarduera nagusia aire-konpainiei eta banku-entitateei erreklamazioak aurkeztea da, baina kalteengatiko erreklamazioak ere kudeatzen ditugu, mota guztietakoak: trafiko-istripuak, zenbatekoen erreklamazioak, lan-istripuak, zabarkeria medikoak, kalte-galerak, pribatutasuna, kalumniak, berankorren zerrendak, Administrazioari, aseguru-etxeei, hirugarrenei egindako erreklamazioak, jabetza horizontala, erantzukizun zibila…
Gainera, zuzenbidearen gainerako arloak –zuzenbide zibila, familia-zuzenbidea, zuzenbide penala, merkataritza-zuzenbidea, administrazio-zuzenbidea– gure erro-markan lantzen ditugu: HIRU ABOKATUAK.
Trafiko istripu bat izan baduzu, zure partez erreklamatu ahal ditugu eragin dizkizun kalte fisiko eta materialak. Aseguruekin harremanetan jarriko gara, bizkortzeko prozesuan aholku emango dizugu, eta dagokizun kalte-ordaina lortzeko behar diren kudeaketa guztiak egingo ditugu.
Zabarkeria medikoa gertatu zaizunean ere lagundu ahal dizugu. Balorazioa egiten duten profesionalek gertatutakoa aztertuko dute, bai eta balizko demanda baten nondik norakoak ere. Eta bideragarria dela baieztatzen badugu, prozesu judizial osoan laguntzen izango gaituzu, jasandako zabarkeriagatiko kalte-ordain bidezkoena lortzeko.
Hirugarrenen jarduera batek kalte edo galera ebaluagarri bat eragin badu zugan edo zure ondasunetan, kalte-ordaina erreklamatu dezakegu. Gainera, zure kontrako delituek ere erantzukizun zibila ekar dezakete berekin, eta hura ere erreklamatu daiteke prozesu penalean.
Kalumnia delitu baten gezurrezko egozpena da. Eta iraina da pertsona bati laido egitea edo haren sona kaltetzea, haren ohoreari eragiten dioten gertaerak, egiazkoak ez direnak, erabiliz. Biek ala biek erreklamazio prozesu bat eragin dezakete, ekintza horiek sortu duten kalte moralarengatiko kalte-ordaina lortzeko.
Lan-istripua gertatu bazaizu, hasieratik emango dizugu aholkua aukerei buruz eta bete beharreko urratsei buruz. Profesional medikoekin lan egiten dugu, eta haiek egingo dute balorazio bat, izan dituzun lesioekin bat datorrena. Enpresak bere erantzukizuna bere gain har dezan, hala badagokio, lege prozesu osoa burutuko dugu.
Kalte-ordaina eskatu ahal diogu administrazio publikoari partikularrek beren ondasun edo eskubideetan jasan dezaketen edozein lesioren ondorioz, ezinbesteko kasuetan salbu, baldin eta lesioa zerbitzu publikoen funtzionamenduaren ondorioa bada eta kaltea egiazkoa, ekonomikoki ebaluagarria eta banakakoa bada.
Hirugarrenen ekintza baten ondorioz kalte ebaluagarri bat gertatu bada zure etxebizitzan edo zure jabetzako lokal edo higiezin batean, jarri gurekin harremanetan eta gu arduratuko gara kalte-ordaina erreklamatzeaz. Banakoak nahiz jabe-erkidegoak, enpresak eta bestelako entitateak ordezkatzen ditugu.
Berankorren zerrenda batean sartzen bazaituzte modu bidegabean, kontratatu ez duzun zerbitzu batengatik edo legezkotasun zalantzazkoa duten zor batzuengatik, deitu guri berehala, ohorerako zure oinarrizko eskubidearen urraketa izan daitekeelako. Hala bada, erreklamazio bat egin liteke eta horrek kalte-ordaina ekar dezake.
1. Hegaldia bertan behera utziz gero, aire konpainiak hegaldi alternatibo bat eskaini behar dit edo txartelaren dirua itzuli? Aire konpainiak bi aukerak eskaini behar dizkizu: txartelaren diru guztia itzultzea edo garraiobide alternatiboa zure destinora ahalik eta...
ERREKLAMATUn bidaiariei lagundu nahi diegu haien eskubideak babesten eta dagozkien kalte-ordainak erreklamatzen. Horrexegatik, gure bezeroei ematen diegun laguntza juridikoaz gain, hegaldietan gorabeheraren bat izan duten bidaiarientzat baliagarria den edukia ere...
Gorabeherarik gabeko oporraldiak izaten lagundu nahi dizugu ERREKLAMATUn. Hori dela eta, gida hau prestatu dugu, 20 aholku erabilgarrirekin, aurtengo udan zure hegaldietan arazorik ez izateko. Jarraibide horiekin, horrelako arazoak izateko aukerak murriztu ahal...
