Erraza, azkarra eta segurua. Zure hegaldiaren datuak bidali, eta guk egingo dugu gainerakoa. Gure bermeak dira 10 urteko esperientzia eta milaka bezeroren gogobetetasuna.
Erreklamatu zure hegaldia eta lortu kalte-ordaina!
Gure abokatu adituek zure kasua aztertuko dute eta dagokizun kalte-ordainari buruzko informazioa emango dizute. Eman zure datuak, eta zurekin harremanetan jarriko gara aholku emateko.
Nahiago baduzu, dei dezakezu zuk telefono honetara: 944 027 596 (astelehenetik ostiralera, 9:00etatik 14:00etara eta 16:00etatik 18.00etara), edo mezu bat bidali helbide honetara: info@erreklamatu.com
Zure hegaldian overbookinga gertatu bada, seguru asko kalte-ordain ekonomikoa dagokizu. Kontsultatu zure kasua doan eta konpromisorik gabe. Gaian adituak gara; zure eskubideei buruzko informazioa emango dizugu eta zer egin gomendatuko dizugu.
Erabakitzen baduzu ERREKLAMATU kontratatzea zure hegaldiaren erreklamazioa egiteko eta kalte-ordaina lortzeko, ez duzu ezertaz arduratu beharko prozesuan. Bidali zure hegaldiaren datuak eta gure abokatuak arduratuko dira denaz.
Erreklamazioa egin ondoren, bi bide ditugu kalte-ordaina lortzeko: hegazkin-konpainiarekin akordio batera iristea edo, hori ezinezkoa bada, aire-konpainiari bide judizialetik demanda jartzea eta auzitegi batek hartuko du erabakia.
Kasu batean zein bestean, ERREKLAMATUk hartzen ditu bere gain lan eta gastu guztiak. Bakarrik ordaindu beharko dituzu gure zerbitzuak kalte-ordaina lortzen badugu. Zehazki, ordainsariak izango dira berreskuratutako zenbatekoaren %25 (+BEZa), merkatuko kuota apalena.
Gehiegizko salmenta edo overbookinga -hitz hau ezagunagoa da-, merkataritzako praktika oso ohikoa da aire-konpainietan, eta hegaldi jakin batean dauden tokiak baino txartel gehiago saltzean datza. Konpainiek badakite ia hegaldi guztietan arrazoi batengatik edo besteagatik hegazkina hartzen ez duten bidaiariak egongo direla. Horrela, overbookingak aukera ematen dio aire-konpainiari bere etekinak maximizatzeko, hegazkina betez eta ahalik eta gehien aprobetxatuz. Baina arazoa gertatzen da bidaiari guztiak hegaldia hartzera agertzen direnean, ez baitago lekurik denentzat eta konpainiak, ezinbestean, ukatu beharko die zenbait bidaiariri hegazkinean sartzea.
Bai, oro har, overbookinga legezko praktika da hegazkingintzan. Hala ere, aire-konpainiek gorabehera horiei aurre egiteko arau eta prozedura jakin batzuk bete behar dituzte, hala nola konpentsazioak eskaintzea hegaldian sartzea ukatu zaien bidaiariei. Eta, jakina, hegaldi alternatibo bat eskaintzea. Gainera, kasu batzuetan, hegazkin-konpainiek kalte-galerak eragin ditzakete overbookingaren egoera behar bezala kudeatzen ez badute.
Bidaiariaren eskubideak eta overbookingaren ondoriozko konpentsazioak Europar Batasunaren 261/2004 Erregelamenduan oinarrituta arautzen dira. Erregelamendu horrek EBko aire-konpainiei eta Europako herrialde batean aireratzen edo lurreratzen diren hegaldiei eragiten die overbookinga gertatzen denean. Gainerako hegaldiak Montrealgo Hitzarmenak arautzen ditu.
Overbookinga gertatu baizazu, txartelaren kostu osoa itzultzeko eskubidea duzu, edo, nahiago baduzu, zure destinora lehenbailehen edo gehien komeni zaizun egunean eramango zaituen hegaldi alternatibo baterako eskubidea, jatorrizko hegaldiaren antzeko garraio-baldintzetan. Aire-konpainiak hegaldi alternatiborik eskaintzen ez badizu, edo eskaintzen dizuna ez bada egokia zuretzat, hegaldi bat eros zenezake zeure kabuz, eta bidaia horren itzulketa eskatzeko eskubidea izango zenuke.
Gainera, bigarren hegaldi horretara arte itxaron bitartean, konpainiak bidaiariei jatekoa, edatekoa eta ostatua eman behar dizkie. Era berean, overbookingaren ondorioz egin ez dituzun jardueren gastuengatik konpentsazioa eska dezakezu: hoteleko gauak, ikuskizunetarako sarrerak, ibilgailuen alokairuak… Eta, kasu batzuetan, egoera horrek eragin dizkizun kalte-galeren ordaina ere eska dezakezu: bilera garrantzitsu batera ezin joatea, ezkontza batera ez iristea, lan bat galtzea…
Aurreko guztiaz gain, kalte-ordain gehigarri bat erreklamatzeko eskubidea izango duzu, baldin eta tokia egin dizuten beste hegaldia gutxienez hiru orduko atzerapenarekin iritsi bada, jatorrizko hegaldiarekin alderatuta.
Overbookinga gertatzen denean, hegazkin-konpainiek konpromiso batzuk bete behar dituzte bidaiariekin.
Lehenik eta behin, erabiltzaileek informazioa jasotzeko eskubidea dute. Hasieran, konpainiak boluntarioak bilatuko ditu: geroagoko hegaldi batean etekin bat jasotzearen truke bidaiatzeko prest dauden pertsonak, hala nola bidaia-bonuak, esku-dirua edo lehen mailako eserlekuak.
Inor ez bada agertzen bere borondatez, edo ez badago nahikoa bidaiari boluntario gehiegizko salmenta konpentsatzeko, konpainiak ukatu ahal izango die behar adina bidaiariri hegazkinean sartzea; horretarako, irizpide guztiz subjektiboak edo ausazkoak aplikatuko ditu.
Nahi gabeko overbooking kasu horietan, konpainiak, oro har, tokia egingo dizu geroagoko hegaldi batean. Eta helmugara hiru ordu baino gehiagoko atzerapenarekin iristen bada, hegazkinean sartzea ukatu zizuten hegaldiarekin alderatuta, kalte-ordaina jasotzeko eskubidea izango duzu.
Hori lortzeko, hegaldia erreklamatu beharko duzu. Eta kontuan izan, batzuetan, overbookinga frogatzen zaila dela. Beraz, ziurtatu dokumentazio guztia gordetzen duzula, gehiegizko salmenta gertatu dela eta hegazkinean sartzeari uko egitea zure nahiaren aurka egin dela frogatzeko.
Lehenik eta behin, hegazkinean sartzea ukatzen dizutenean, ziurtatu idatziz jasota geratzen dela gertatutako guztia. Horretarako, hurbildu aire-konpainiak aireportuan duen informazio-mahaira edo, halakorik ez badago, AENAren edo aire-agintaritza eskudunen informazio-mahaira, eta eskatu dokumentu bat frogatzeko ezin izan zarela hegazkinean sartu overbookingaren ondorioz.
Bigarrenik, garrantzitsua da overbookinga gertatu ondoren tokia ematen dizuten hegaldiko hegazkineratze-txartelak gordetzea, bai eta bigarren hegaldi hori frogatzen duen beste edozein agiri ere; adibidez, ekipaje-txartela.
Halaber, lagungarria da beste bidaiari batzuen kontaktua gordetzea, lekuko gisa jardun dezaten, hala badagokio. Eta overbookingak pertsona bati baino gehiagori eragin badie, komenigarria litzateke baterako erreklamazioa egitea.
Tresna honekin erraz kalkula dezakezu dagokizun kalte-ordaina. Gutxi gorabeherako kalkulua da. Kopuru horri gehitu beharko litzaizkioke gorabeherak eragin dizkizun gastuak, halakorik balego.
Atzerapena
Bertan behera uztea
Overbookinga
Zalantzarik baduzu, kontsultatu zure kasua doan gure abokatu adituekin. Eman zure datuak eta deituko dizugu aholkua emateko.
Erreklamatu zure hegaldia eta lortu zure kalte-ordaina!
Bidali zure datuak eta lehenbailehen jarriko gara zurekin harremanetan.
| Description | Information | Quantity | Price |
|---|---|---|---|
| Discount : | |||
| Total : | |||
Gorabehera konpondu eta zure jatorrira edo helmugara iristen zarenean, overbookinga dela-eta erreklamatzeko unea da, dagokizun kalte-ordaina lortzeko. Bost urteko epea duzu gehienez horretarako, baina tramitea hurrengo asteetan formalizatzea gomendatzen dizugu, bidaia egin berritan eta dokumentazio guztia eskura duzunean.
Zer egin behar duzu hegaldia erreklamatzeko? Oso erraza da. Bilatu erreserba (aire-konpainiak edo bidaia-agentziak bidaltzen dizuna, hegaldiaren eta ibilbidearen xehetasunekin) eta, gorde badituzu, jatorrizko hegaldiaren eta hegaldi alternatiboaren hegazkineratze-txartelak. Jar ezazu kasua gure eskuetan, eta ahaztu.
Denbora asko eta pazientzia handia baduzu, zuk zeuk eraman dezakezu auzitara konpainia, zure kalte-ordaina erreklamatzeko. Baina ez dizugu gomendatzen. Logikoa denez, aire-konpainietako talde juridikoak zuzenbideko adituak dira eta kalte-ordaina saihesteko dauden zirrikitu legal guztietara joko dute. Horregatik, beren kontura erreklamatzen duten bezeroen %5ek soilik eskuratzen du kalte-ordaina.
Erosoena eta eraginkorrena da ERREKLAMATUk egitea erreklamazioa zure partez. Ez duzu denborarik eta dirurik galduko –bakarrik kobratzen dugu irabazten badugu–, eta arrakasta-ehuneko oso handia bermatu ahal dizugu.
Overbookinga dela-eta zure demanda gure esku utzi ondoren, erreklamazioetan adituak diren gure abokatuak lanean hasiko dira hegazkin-konpainiarekin akordio bat lortzen saiatzeko. Ezinezkoa bada, kasua auzitegietara eramango dugu. Batean zein bestean, prozesuak hilabete batzuk iraungo du. Ohikoena da kasua irabaztea, eta une horretan zurekin harremanetan jarriko gara zure kalte-ordaina ordaintzeko kontu-zenbaki bat eskatzeko.
Prozesu osoan ez duzu ezer ordaindu beharko, eta ERREKLAMATUk bere gain hartuko ditu demandaren ondoriozko kostuak.
Hegaldien erreklamazioak egiteko gure zerbitzuaren ezaugarri nagusietako bat da bakarrik kobratzen dugula irabazten badugu. Izan ere, ordainsariak gure bezeroentzat berreskuratutako kopurutik ateratzen da. Horiek kalkulatzeko, edozein enpresa lehiakiderena baino portzentaje nabarmen txikiagoa aplikatzen dugu.
Zehazki, aire-konpainiei egindako erreklamazioetan, gure bezeroentzat lortzen dugun kalte-ordainaren %25 kobratzen dugu, eta horregatik gara merkatuko erreklamatzaile merkeena.
ERREKLAMATUn oso serio hartzen dugu gure lana, bezeroei zerbitzurik onena ematen saiatzen gara, eta bakarrik kobratzen dugu irabazten badugu. Hiru arrazoi horiengatik, gure interesa, zurea bezala, ahalik eta kalte-ordain handiena lortzea da ahalik eta lasterren.
Ildo horretan, zure kasua arreta handienaz kudeatuko dugula ziurtatu ahal dizugu, eta espedientean gerta daitekeen edozer jakinaraziko dizugu beti. Gainera, uneren batean zure demandari buruzko xehetasunen bat kontsultatu behar baduzu, posta elektronikoaren edo telefonoaren beste aldean egongo gara beti, zuri erantzuteko. Edo aurrez aurre ezagutu nahi bagaituzu, gure taldea Bilboko bulegoan duzu zain.
ERREKLAMATUn zure esanetara jartzen ditugu abokatu onenak zure hegaldia erreklamatzeko. Horrela, zure demanda arrakastaz ebazteko aukera gehiago izango dituzu, eta ahalik eta kalte-ordain handiena lortu ahal izango duzu.
1.- Hegazkin-konpainiak zure hegaldia aurreratu edo atzeratzen du, bidaia baino aste batzuk lehenago Gero eta ohikoagoa da: bidaia baino aste batzuk lehenago jakinarazten dizute zure hegaldia aurreratu edo atzeratu dela egun bat edo batzuk, eta erabaki behar duzu...
Abuztuaren 4an, Gipuzkoako enpresa bateko bi langilek Lufthansako hegaldi bat hartu behar zuten Cluj Napocatik (Errumania) Munichera (Alemania) joateko, bertan beste hegaldi bat hartzeko Bilbora bueltan. Ekipajea fakturatu ondoren, bidaiariak ontziratzeko eremuan...
Loiuko aireportuaren kokapen geografikoa dela eta –itsasotik hurbil eta mendiz inguratuta baitago–, haize-bolada bortitzak sortzen dira eta, batzuetan, hegazkinen egonkortasunean eta kontrolean eragina izan dezakete lurreratzean eta aireratzean. Horrek arreta...
