Erraza, azkarra eta segurua. Zure hegaldiaren datuak bidali, eta guk egingo dugu gainerakoa.
Gure bermeak dira 10 urteko esperientzia eta milaka bezeroren gogobetetasuna.
Erreklamatu zure hegaldia eta lortu kalte-ordaina!
Gure abokatu adituek zure kasua aztertuko dute eta dagokizun kalte-ordainari buruzko informazioa emango dizute. Eman zure datuak, eta zurekin harremanetan jarriko gara aholku emateko.
* Nahiago baduzu, dei dezakezu zuk telefono honetara: 944 027 596 (astelehenetik ostiralera, 9:00etatik 14:00etara eta 16:00etatik 18.00etara), edo mezu bat bidali helbide honetara: info@erreklamatu.com
Zure ekipajea hondatu edo galdu bada, seguru asko kalte-ordain ekonomikoa dagokizu. Kontsultatu zure kasua doan eta konpromisorik gabe. Gaian adituak gara; zure eskubideei buruzko informazioa emango dizugu eta zer egin gomendatuko dizugu.
Erabakitzen baduzu ERREKLAMATU kontratatzea zure hegaldiaren erreklamazioa egiteko eta kalte-ordaina lortzeko, ez duzu ezertaz arduratu beharko prozesuan. Bidali zure hegaldiaren datuak eta gure abokatuak arduratuko dira denaz.
Erreklamazioa egin ondoren, bi bide ditugu kalte-ordaina lortzeko: hegazkin-konpainiarekin akordio batera iristea edo, hori ezinezkoa bada, aire-konpainiari bide judizialetik demanda jartzea eta auzitegi batek hartuko du erabakia.
Kasu batean zein bestean, ERREKLAMATUk hartzen ditu bere gain lan eta gastu guztiak. Bakarrik ordaindu beharko dituzu gure zerbitzuak kalte-ordaina lortzen badugu. Zehazki, ordainsariak izango dira berreskuratutako zenbatekoaren %25 (+BEZa), merkatuko kuota apalena.
Maleta galduak aire-nabigazioko klasiko bat dira. 2021ean egindako azterketa baten arabera, urtero 23 milioi maleta inguru galtzen dira mundu osoko aireportuetan. Beraz, maiz bidaiatzen baduzu, kontuan hartu beharreko datua da, eta ez zenuke inoiz fakturatu behar balio ekonomiko edo emozional handiko objektuak dituen ekipajerik, ezta dokumentazio garrantzitsurik ere.
Maleta bat galtzeko arriskua biderkatu egiten da hainbat geldialdi dituzten bidaietan, eta eragina du, halaber, aireportu bakoitzean egoten den hegaldi kopuruak, bai eta fakturatutako ekipajearen jarraipena egiteko sistemaren eraginkortasunak ere.
Zure hegaldia helmugara iristen denean eta maleta aireportuko ekipajeen zintan agertzen ez denean, bi gauza gerta daitezke: egun batzuetan berreskuratzea edo betiko galtzea. Bi kasuetan erreklama dezakegu.
Lehenik eta behin, gorabehera horietarako informazio-mahaia bilatu behar duzu, eta Property Irregularity Report (PIR) izeneko partea (ekipajearen irregulartasun-partea) bete. Ekipajea erreklamatzeko puntu espezifikorik ez badago, aire-konpainiaren informazio-mahaian egin dezakezu. Aipatutako parte horretan zure bizilekua edo ostatua adierazi beharko duzu. Horrela, maleta agertuz gero, helarazi ahal izango dizute. Tramite hori ezinbestekoa da, gero aire-konpainiari erreklamazioa egin ahal izateko; horretarako, bi urteko epea izango dugu.
Bete ondoren, partearen kopia bat emango dizute. Gorde ezazu ekipaje-taloiarekin batera. Azken hori ez da ezinbestekoa, baina ondo etorriko zaigu erreklamazioa egiteko. Garrantzitsua da dokumentu horiek hegazkin-konpainiari ez entregatzea eta, eskatzen badizkizute, argazki bat egitea zure telefono mugikorrarekin.
Bestalde, zure gauzak agertzen ez diren bitartean, baliteke gastu erantsiak egin behar izatea: higiene-produktuak, arropa… Gorde tiket eta faktura guztiak, zenbateko horiek ere erreklamatu ahal izango ditugulako.
Maleta 21 egunen buruan agertu ez bada, konpainiak galdutzat emango du eta konpentsazio ekonomikoa eskatzeko eskubidea izango dugu. Horretarako, zerrenda bat egin beharko duzu maletan zeneukan guztiarekin, eta, ahal bada, produktu bakoitzaren marka, eredua eta erosketa-urtea zehaztu beharko dituzu. Inbentario hori, hala ere, ez da maletaren edukiari buruzko behin betiko froga izango, eta aitortutako kostuak ez du ekarriko dagokizun kalte-ordainaren kalkulu automatikoa egitea. Erreklamazioari indar handiagoa emango dion elementu bat baino ez da, inbentarioa onartzeko erabakia epailearen esku egongo baita.
Maleta 21 eguneko epe horretan agertzen bada, entregan izandako atzerapenagatik ere erreklamatu ahal izango dugu.
Maletak galduz gero, ez dago kalte-ordain automatikorik, aireko garraioko gainerako gorabeheretan bezala. Ekipajea galtzeagatiko erreklamazioetan, Montrealgo Hitzarmenak arautzen du, zeinak 1.421 euroko gehieneko muga ezartzen baitu, pertsona bakoitzeko, konpentsazio gisa. Hala ere, araudi horretan ez dira zehatz-mehatz jasotzen kalte-ordainen zenbatekoak, eta, beraz, beharrezkoa da gorabehera guztia justifikatzea eta ahalik eta dokumentazio gehien aurkeztea.
Zehazki, hiru kontzeptu erreklamatu ditzakegu maleta bat galduz gero:
Azkenik, aire-konpainiak zure ekipajea aurkitzea lortzen badu, PIR partean adierazitako helbidean entregatuko dizute. Hala ere, kalte-ordaina jasotzeko eskubidea izaten jarraituko duzu; izan ere, berandu entregatzeak kalte batzuk eragin dizkizu, eta, horregatik, konpentsazioa eskatu ahal izango dugu. Zehazki, behin betiko galeraren kasuan eskatzen diren kontzeptu berberak erreklamatu ahal izango ditugu: 50 euro ekipajea jaso arte igaro den egun bakoitzeko, gehi ekipajea ez edukitzeagatik sortutako gastuak eta kalte-galerengatiko ordaina ere beharbada, gehienez ere 1.421 euroko kalte-ordainarekin.
Batzuetan, zure ekipajea jasotzean, kalteak izan dituela ikus dezakezu: heldulekuak, gurpilak apurtuta, mailatuta, oihala urratuta… Kasu horietan ere kalte-ordaina erreklamatu dezakegu. Horretarako prozedura berbera da: PIR partea bete behar duzu, eta bertan jaso zure maletan izandako narriadura; bestela, aire-konpainiak esan lezake ez dela hegaldian gertatu.
Tresna honekin erraz kalkula dezakezu dagokizun kalte-ordaina. Gutxi gorabeherako kalkulua da. Kopuru horri gehitu beharko litzaizkioke gorabeherak eragin dizkizun gastuak, halakorik balego.
Atzerapena
Bertan behera uztea
Overbookinga
Zalantzarik baduzu, kontsultatu zure kasua doan gure abokatu adituekin. Eman zure datuak eta deituko dizugu aholkua emateko.
Erreklamatu zure hegaldia eta lortu zure kalte-ordaina!
Bidali zure datuak eta lehenbailehen jarriko gara zurekin harremanetan.
| Description | Information | Quantity | Price |
|---|---|---|---|
| Discount : | |||
| Total : | |||
Zure ekipajeak kalteak baditu edo galdu egin bada, bete ezazu PIR partea aireportutik irten aurretik. Une horretatik aurrera, bi urteko epea duzu erreklamazio formala egiteko, baina hurrengo asteetan egitea gomendatzen dizugu.
Zer egin behar duzu hegaldia erreklamatzeko? Oso erraza da. Bilatu erreserba (aire-konpainiak edo bidaia-agentziak bidaltzen dizuna, hegaldiaren eta ibilbidearen xehetasunekin) eta, baldin baduzu, hegazkineratze-txartela. Erantsi PIR partea ere eta, posible bada, ekipaje-taloia. Jar ezazu kasua gure eskuetan, eta ahaztu.
Zure ekipajearen erreklamazioa gure esku utzi ondoren, gure abokatuak lanean hasiko dira hegazkin-konpainiarekin akordio bat lortzen saiatzeko, edo, bestela, kasua epaitegietara eramango dute. Batean zein bestean, prozesuak hilabete batzuk iraungo du. Ohikoena den bezala, demanda irabazten badugu, une horretan zurekin harremanetan jarriko gara zure kalte-ordaina ordaintzeko kontu-zenbaki bat eskatzeko.
Prozesu osoan ez duzu ezer ordaindu beharko, eta ERREKLAMATUk bere gain hartuko ditu demandaren ondoriozko kostuak.
Hegaldien erreklamazioak egiteko gure zerbitzuaren ezaugarri nagusietako bat da bakarrik kobratzen dugula irabazten badugu. Izan ere, minuta gure bezeroentzat berreskuratutako kopurutik ateratzen da. Horiek kalkulatzeko, edozein enpresa lehiakiderena baino portzentaje nabarmen txikiagoa aplikatzen dugu.
Zehazki, aire-konpainiei egindako erreklamazioetan, gure bezeroentzat lortzen dugun kalte-ordainaren %25 kobratzen dugu, eta horregatik gara merkatuko erreklamatzaile merkeena.
ERREKLAMATUn oso serio hartzen dugu gure lana, bezeroei zerbitzurik onena ematen saiatzen gara, eta bakarrik kobratzen dugu irabazten badugu. Hiru arrazoi horiengatik, gure interesa, zurea bezala, ahalik eta kalte-ordain handiena lortzea da ahalik eta lasterren.
Ildo horretan, zure kasua arreta handienaz kudeatuko dugula ziurtatu ahal dizugu, eta espedientean gerta daitekeen edozer jakinaraziko dizugu beti. Gainera, uneren batean zure demandari buruzko xehetasunen bat kontsultatu behar baduzu, posta elektronikoaren edo telefonoaren beste aldean egongo gara beti, zuri erantzuteko. Edo aurrez aurre ezagutu nahi bagaituzu, gure taldea Bilboko bulegoan duzu zain.
ERREKLAMATUn zure esanetara jartzen ditugu abokatu onenak zure hegaldia erreklamatzeko. Horrela, zure demanda arrakastaz ebazteko aukera gehiago izango dituzu, eta ahalik eta kalte-ordain handiena lortu ahal izango duzu.
ERREKLAMATUn bidaiariei lagundu nahi diegu haien eskubideak babesten eta dagozkien kalte-ordainak erreklamatzen. Horrexegatik, gure bezeroei ematen diegun laguntza juridikoaz gain, hegaldietan gorabeheraren bat izan duten bidaiarientzat baliagarria den edukia ere...
Gorabeherarik gabeko oporraldiak izaten lagundu nahi dizugu ERREKLAMATUn. Hori dela eta, gida hau prestatu dugu, 20 aholku erabilgarrirekin, aurtengo udan zure hegaldietan arazorik ez izateko. Jarraibide horiekin, horrelako arazoak izateko aukerak murriztu ahal...
1.- Hegazkin-konpainiak zure hegaldia aurreratu edo atzeratzen du, bidaia baino aste batzuk lehenago Gero eta ohikoagoa da: bidaia baino aste batzuk lehenago jakinarazten dizute zure hegaldia aurreratu edo atzeratu dela egun bat edo batzuk, eta erabaki behar duzu...
