Auzitegi Gorenak argi utzi zuen hipoteka-gastuen gaia urte hasieran plazaratu zuen epaian. Bertan ebazten zuenez, hipoteka baten formalizazioak eragindako tasazio gastuak “bankuari dagozkio, eta ez kontsumitzaileari”. Epai honek aurretik izandako beste batzuk berresteaz gain, ebatzi eta baliogabetu egin zituen hipoteka mailegua formalizatzeko gastuak bezeroek ordaindu beharrekoak zirela ezartzen zuten klausula guztiak.
Horrela, hipotekak 2017a baino lehenago izenpetu zituzten guztiek eskubidea dute itzul dakizkien jabetza-erregistroko, gestoriako eta tasazioko gastu guztiak, bai eta notario gastuen erdiak ere. Hipotekaren zenbatekoaren arabera, gastu horiek 500 eta 2.000 euro artekoak izan daitezke.
Zure hipoteka erreklamatu dezakezu ezereztu ondoren ere
Auzitegi Gorenak epai hori eman ondoren, milaka pertsonak erreklamatu diete beren bankuei hipoteka gastuak itzultzeko, bai indarrean dauden hipoteken kasuan bai ezereztu direnen kasuan ere, maileguan emandako dirua itzuli ondoren. Bigarren kasu horretan, finantza entitateak saiatzen ari dira ordainketak saihesten, esanez hipoteka kontratua iraungi dela, eta beraz, ez dagoela aukerarik gehiegizko klausulen balioa berrikusteko ez eta haien ondorioak zuzentzeko ere.
Hala ere, probintzietako auzitegien ebazpenak erabiltzaileen aldekoak izaten ari dira argi eta garbi, gastuak hipoteka ezereztu ondoren erreklamatzen direnean ere. Esate baterako, Bilboko Lehen Auzialdiko Epaitegiak, 2020ko otsailean emandako epai batean, baietsi egin zuen Erreklamaturen demanda bat, eta adierazi “kontratuaren ezereztea ez dela traba, berez, kontratuaren beraren edo kontratuaren klausuletakoren baten baliogabetze ekintza gauzatzeko”. Izan ere, epaileak bankuak kondenatzen ari dira bidegabeki kobratutako dirua itzultzera eta, horrekin batera, ordainketa bakoitza egin zenetik dagokion interes legala ordaintzera ere, gehi prozesuaren kostuak.
Zer egin behar duzu gastu horien itzulketa erreklamatzeko?
Banku entitateei hipoteka gastuen itzulketa erreklamatzeko prozesuan jurisprudentzia guztia kontsumitzailearen aldekoa da. Arazo bakarra da auzi judiziala jarri beharra dagoela, lege prozedura batzuekin eta kostu batzuekin. Eta bankuek abokatu talde onak dituzte.
Kasua gure eskuetan uzten baduzu, arazo hori gainetik kenduko duzu. Eta ez duzu ezer ordainduko. Erreklamatun prozesu osoaz arduratuko gara, gastu guztiak gure gain hartuko ditugu, prokuradorea eta kostuak barne, eta lortzen den zenbatekoaren %22 besterik ez dugu kobratuko. Hau da, zure dirua berreskuratu ezean ez dugu ezer ere kobratuko.
Zure hipotekaren erreklamazioa egin nahi baduzu, dokumentazio hau ekarri behar duzu: eskrituraren kopia eta erreklamatu beharreko gastuen fakturenak (notaria, tasazioa, erregistroa eta gestoria).
Kontsultatu, konpromisorik gabe
Azken hamarkadetan hipoteka bat izenpetu baduzu, zure bankuak dirua zor dizu. Deitu eta kontsultatu zure kasua, inongo konpromisorik gabe. Jakinaraziko dizugu gastu horiek bidegabeki kobratu zizkizuten edo ez, eta aztertuko dugu zoru-klausularik ezarri al zizuten, hori ere erreklamatu dezakegulako. Horrekin batera, zure izenean erreklamatu ditzakegu revolving txartelen gastuak, horien interesak ere gehiegizkotzat deklaratu baitzituen Auzitegi Gorenak.
ERREKLAMATUn, hegaldiak erreklamatzea da gure zeregin nagusia, baina hipoteketan eta bestelako banku-produktuetan ezartzen diren gehiegizko klausulen hainbat kasutaz ere arduratzen gara. Eta gure filosofia beti bera da: bakarrik kobratzen dugu irabazten badugu. Erreklamatu zure hipoteka!
Zalantzaren bat baduzu edo zerbait kontsultatu nahi izanez gero, beheko formularioa bete dezakezu edo telefonoz deitu: 944 027 596 / 688 651 944.
